Mungpi(B.A., Hist:, Dagon University)
Siamsin ah Kipawlna tungtawnin ka
theihkhak teng pan tawm hong genkhia kik nuam ingh. Amasa penin kei pen
lawmlegual a-it, angai pha mahmah khat in ka kimu hi. Ka hun atamzaw lawmte
tawh kithuahna in ka zangh hi. Lawmte tawh na sepkhop ding hi leh alawp penpen
in ka kisang hi. Aihang, sangnaupang khat hihna tawh lai sim hun ka nei hi. Tua
lai sim hun sungin bel lai mah sim tangtangin laihuanpi aa ding kiginkhawlhna
sang ka tel madong, ka theih madong sim thei h'ing. Lai sim cih pen simpong
leng, lawt ngah leng laihuanpi bel aki-ong thei hi mai in ih theih takpi ding
mah thupi sa ing. Lawmte tawh
kikhawlh ciang zong nuam asapen khat in ka om hi. Lawmte tawh kikhawlhna ah kei hangin lawmte lungkia sak ngeilo h'ing. Ahih hang khat veivei bel lungkiasak kha thei mah ding hi'ng. Lawmte in pilna tampi hong pia aa ngaihsut siamna zong tampi hong guan hi. Lawmte tawh kizopna pan kizopzia(Communication) tampi zong ka telthuah hi. Laibu simsim leh ih kikhawlkhop taktak ciang tampi mah kikhai veve hi. Kizopzia cihna ah athupi penpen in khat bek hilo-a phone tawh kiho ahizong, email tawh kiho ahizong athupit lam phawk huai veve hi. Khat veivei teh thukikupna(Dicussion), kimuhkhopna(Meeting) ih neih hun teh khatkhat te'n phone tawh ihsap pen amau' thupi bawl salo kha thei hi. E-mail tawh sapna in zong thupi bawlin sapna in akinei lam ka tel panpan hi. Tua bek thamlo-in nasepna khat ah lawmte tawh kithuahin semkhawm leng mah vai tangzai-in ka mu hi. Sepkhop nuam bek thamlo-in vai tangzai cih zong phawkhuai hun. Lawmte tawh na khat peupeuh sepkhop liailiai mah anop pen hi cih Siamsin sung ka kihel sung na tel thei ing. Sang man khin ka hih hang Siamsin sung aa lawmte ihna tawh na pompom lai kha ing. Hong khangthak momno te zong pattahhuai hi. Hih Siamsin cihna in Kumpi theihpih pilna sang asin khangnote kipawlna ahih mah bangin sepna, bawlna khempeuh ah hong picinglo thei ding hi. Kong gennop ah, ahoihkim lohna en lo-in pilna sinkawm Ih minam aa ding asukpai, atopai na uh paktathuai hi cih hi. Siamsin kipawlna cih hong om nawn kei mawk leh, Zomi khangthak momno te ading lungnoplo huai hi. Adiakdiakin, ko Zangkong ah akhangkhia tea a ding Siamsin in ih minam' kampau, ngeina, tatzia, paizia tampi hong telsak in hong uapzo mahmah kipawlna khat ahihi. Zo minam ni bang hong nai teh Siamsin pawlmi te kipawlkhawm in Mipi te kiang pai kawikawi-in Zo minam ni bawlzawh ding hanciamna te bang en kik leng Siamsin cihpen Mipi kihello aa akiding zoding na hi vetlo hi. Mipi' dinpih Siamsin kipawlna khat ahih lam mangngilh khak loh ding thupi sa ing. Tua mah bangin Siamsin te-in zong Siamsin khat hi-ing ci'n kiphasak huailo hi. Ahihang, ki paaktat huai veve hi. Minam aa ding ahanciam, asemsem khangno te ih hih lam phawkden ding hih lai tawmno tawh lungsim sung a-om bangbang hong theihpihsak nuam ing. Kong laigelhte hun bei liangin nongsimsak ciatciat, nakpi takin lungdam ing cih nang tung hong gennuam lai ingh. Topa Thupha! (Kua phawk kai tam maw)
kikhawlh ciang zong nuam asapen khat in ka om hi. Lawmte tawh kikhawlhna ah kei hangin lawmte lungkia sak ngeilo h'ing. Ahih hang khat veivei bel lungkiasak kha thei mah ding hi'ng. Lawmte in pilna tampi hong pia aa ngaihsut siamna zong tampi hong guan hi. Lawmte tawh kizopna pan kizopzia(Communication) tampi zong ka telthuah hi. Laibu simsim leh ih kikhawlkhop taktak ciang tampi mah kikhai veve hi. Kizopzia cihna ah athupi penpen in khat bek hilo-a phone tawh kiho ahizong, email tawh kiho ahizong athupit lam phawk huai veve hi. Khat veivei teh thukikupna(Dicussion), kimuhkhopna(Meeting) ih neih hun teh khatkhat te'n phone tawh ihsap pen amau' thupi bawl salo kha thei hi. E-mail tawh sapna in zong thupi bawlin sapna in akinei lam ka tel panpan hi. Tua bek thamlo-in nasepna khat ah lawmte tawh kithuahin semkhawm leng mah vai tangzai-in ka mu hi. Sepkhop nuam bek thamlo-in vai tangzai cih zong phawkhuai hun. Lawmte tawh na khat peupeuh sepkhop liailiai mah anop pen hi cih Siamsin sung ka kihel sung na tel thei ing. Sang man khin ka hih hang Siamsin sung aa lawmte ihna tawh na pompom lai kha ing. Hong khangthak momno te zong pattahhuai hi. Hih Siamsin cihna in Kumpi theihpih pilna sang asin khangnote kipawlna ahih mah bangin sepna, bawlna khempeuh ah hong picinglo thei ding hi. Kong gennop ah, ahoihkim lohna en lo-in pilna sinkawm Ih minam aa ding asukpai, atopai na uh paktathuai hi cih hi. Siamsin kipawlna cih hong om nawn kei mawk leh, Zomi khangthak momno te ading lungnoplo huai hi. Adiakdiakin, ko Zangkong ah akhangkhia tea a ding Siamsin in ih minam' kampau, ngeina, tatzia, paizia tampi hong telsak in hong uapzo mahmah kipawlna khat ahihi. Zo minam ni bang hong nai teh Siamsin pawlmi te kipawlkhawm in Mipi te kiang pai kawikawi-in Zo minam ni bawlzawh ding hanciamna te bang en kik leng Siamsin cihpen Mipi kihello aa akiding zoding na hi vetlo hi. Mipi' dinpih Siamsin kipawlna khat ahih lam mangngilh khak loh ding thupi sa ing. Tua mah bangin Siamsin te-in zong Siamsin khat hi-ing ci'n kiphasak huailo hi. Ahihang, ki paaktat huai veve hi. Minam aa ding ahanciam, asemsem khangno te ih hih lam phawkden ding hih lai tawmno tawh lungsim sung a-om bangbang hong theihpihsak nuam ing. Kong laigelhte hun bei liangin nongsimsak ciatciat, nakpi takin lungdam ing cih nang tung hong gennuam lai ingh. Topa Thupha! (Kua phawk kai tam maw)
gnmungpi.blogspot.com
No comments:
Post a Comment